Tell your friends!!
Notices
Nollaig na mBan
Ócáid shóisialta eagraithe ag coiste Naíonra Mhic Dara
Ní raibh aon ghanntan ban ar an gCeathrú Rua Dé hAoine seo caite mar a raibh ócáid shóisialta do Nollaig na mBan eagraithe ag coiste Naíonra Mhic Dara ar an mbaile.
Sean traidisiún i gContaetha an Deiscirt é Nollaig na mBan agus más fíor do na mná a bhí i láthair Dé hAoine seo caite beidh sé ina nós i gConamara as seo amach.
Seans atá ann do mhná a scíth a ligean i ndiaidh obair na Nollag agus is cinnte gur bhain mná Chonamara sásamh as i mbliana.
Is i mBialann an Royal Villa ar an gCeathrú Rua a bhí an gabhair á róstadh. Bhí ós cionn 30 bean i láthair agus d’éirigh leo €380 a bhailliú don Naíonra chomh maith le mórchuid a ithe agus a ól! Bhailligh na mná isteach i dTí an Táilliúra ina dhiaidh sin mar a raibh an banna nua bhunaithe Deep Notes i mbun ceoil.
Beidh an Naíonra ag aistriú isteach san Ionad Nua Cúram Leanaí go gairid agus go leor troscán agus ábhar nua le ceannach dá réir agus is ar mhaithe leis sin a eagraíodh an oíche. Sláinte na mBan oraibh!
