Abair le do chairde!!
Fógraí
Logainmeacha: Thart le Cósta
An Dóilín
Muc Ghainimh – amach ón Dóilín. Bíonn an fharraige le feiceáil ag éirí ar an gcarraig a dtugtar An Mhuc Ghainimh uirthi nuair a bhíonn aimsir mhaith ar an mbealach
Carraig an Liagáin – ó thuaidh de Charraig an Ime in aice Inis Mhic Cionnaith. ‘Liagán’ – cloch atá ina seasamh
Céibh an Chaislín nó Céibh Dhoire Fheárta – ‘An Caislín’ an t-ainm a bhí ar an mbád a bhí ag an Tiarna Talún Proinsias Ó Flaithearta a bhí ina chónaí ar Inis Mhic Cionaith
Céibh an Chaislín Deas – bád eile a raibh an t-ainm An Caislín Deas air a bhí ag an tiarna talún céanna, agus seo an t-ainm atá ar an gcéibh ar Inis Mhic Cionaith. Tá oileán beag le taobh na céibhe agus An Ghlais Oileán atá air; reilig gasúr a bhí ann de réir cosúlachta
Céibh Aill na Graí – i nDoire Né
Cora na gCadhain – i nDoire Fheárta trasna ó Inis Mhic Cionaith. Bhíodh seanbhóthar Dhoire Fheárta ag dul síos le cladach agus thagadh sé amach i gCuileán
Cora Ghogala – i nDore Fheárta. Bhí seanfhear san áit a raibh ‘Gogala’ air
Mullán Shadhbh Chrón – cloch atá amach ón Tismeáin. B’fhéidir gur bádh bean a raibh craiceann dorcha uirthi agus Sadhbh mar ainm uirthi
Gob na Ronna – amach ón Rinn
Carraig an Riain – i mbéal Chuan Chasla, amach ó Ghob an Phointe. Ba rian nó marc a bhí sa gcarraig seo ag báid a bhíodh ag teacht isteach sa gcuan. Tá leagan cainte ann faoin gcarraig seo ‘Carraig an Riain nár facthas riamh gan bruth’
An Codú nó An Charraig Dhubh – i mbéal Chuan Chasla freisin, amach ó Ros a Mhíl. Bhíodh feamainn dhubh ag fás uirthi, sin an fáth ‘An Charraig Dhubh’ , ach bhí sé níos éasca ‘Codú’ a rá
An Cheannain – gar don Chodú. ‘An Ceann F(h)ionn’ an t-ainm ceart ar an gcarraig seo
An Cuan Caol agus Céibh an Chuain Chaoil – sa bPointe
Aill an Chlogáis – aill a raibh túr nó clog uirthi. Tá teach solais ar an aill a tógadh i 1914
An Fhaochnaid – in aice leis an gCaorán Mór. Tugtar An Fhaochnaid ar an talamh agus ar an gcladach anseo
Cora Glas – píosa talún atá ag gobadh amach taobh thíos den Ghleann Mór. Tá féar glas san áit
Caladh Mhaitiú – ó dheas de Chéibh an tSrutháin. Bhíodh bád ag tiarna talún darbh ainm Maitiú Bláca san áit seo. Seo cuid de na Blácaí a bhí sa Tulach chomh maith. Tá Clocha an tSiléir in aice láimhe, áit a mbíodh solas leis na báid a threorú isteach sa gcuan
Foinsí:
Logainmneacha agus Patrún Lonnaíochta ar an gCeathrú Rua, Eileen Nic Dhonncha
