Abair le do chairde!!
Fógraí
Slimathon na Ceathrún Rua
 |
|
€2,931 bailithe do Naíonra Mhic Dara• Sí Máiréad Mhic Dhonnchadha a bhuaigh anpríomhdhuais don té a chaill an méid is mó meáchain• Comórtas 'tromchúiseach' idir an Seanadóir Trevor Ó Clochartaigh agus Pádraic a’ Táilliúra Ó Conghaile |
|
|
Bhí údar maith ceiliúrtha ag rannpháirtithe Slimathon Mhic Dara Dé hAoine 31 Márta mar ar tháinig an feachtas chun críche agus gur reáchtáladh oíche shóisialta i dTí Sé ar an gCeathrú Rua chun a n-éacht a cheiliúradh. Bailíodh gar do thrí mhíle euro le linn an fheachtais agus bé príomh ghnó na hoíche na an t-airgead a thabhairt ar láimh do Naíonra Mhic Dara. Úsáidfear an t-airgead le trealamh a cheannach do na gasúir san ionad breá nua atá réitithe agus a mbeidh an Naíonra ag aistriú isteach ann théis na Cásca.Sí Máiréad Mhic Dhonnchadha a bhuaigh an dearbhán do Dunnes Stores, an duais a bhí ar fáil don té a chaill an méid is mó meáchain agus bhronn an coiste bláthanna ar Caroline Uí Fhlatharta agus ar Shíofra Uí Chonghaile as ucht an chúnaimh uilig a thug siad le linn an Slimathon. Ach is ar an gcoimhlint idir an Seanadóir Trevor Ó Clochartaigh agus fear na ndamhchanna séarachais Pádraic a’ Táilliúra Ó Conghaile a bhí aird an uile dhuine dírithe. Chuir an bheirt geall lena chéile ag tús an fheachtais go gcaithfeadh an té is lú a chaillfeadh meáchain, €50 breise a thabhairt ar láimh don gciste. Socraíodh go nglacfaí meáchain na beirte beo ar an oíche agus go dtabharfaí ar láimh go poiblí an t-airgead. Bhí iomaíocht ghearr i gceist agus deirtear gurb é Trevor a bhí chun cinn i rith an ama – go dtí an oíche chinniúnach. Ní raibh ann ach punt go leith faoi dheireadh ach sé Pádraic a’ Táilliúra a thug leis an svae agus d’fhág Trevor ar a trá fholamh!
Nuair a bhí an €50 úd agus an t-airgead uilig cruinnithe le chéile bhí €2,931.77 sa chiste. Tá coiste Naíonra Mhic Dara buíoch do chuile dhuine a thug cúnamh ar bhealach ar bith don bhfeachtas bailithe airgid seo. Go méadaí Dia bhur stóir. |
|
 |
|
Máiréad Mhic Dhonnchadha a bhuaigh an an príomhdhuais |
|
 |
|
 |
|
 |
|
 |
|
 |
|
 |
|
 |
|
 |
