Abair le do chairde!!
Fógraí
Ríomhaireacht agus an Dioplóma sa Ghaeilge
Acadamh na hOllscolaíochta Gaeilge
Sonraí an Chúrsa
Cód: GA 201
Teideal: Ríomhaireacht agus an Dioplóma sa Ghaeilge
Tréimhse: 6 mhí (mí taithí oibre san áireamh)
Líon áit: 20
Riachtanais Iontrála
Pas i scrúdú ardleibhéil Gaeilge na hArdteistiméireachta agus / nó caighdeán réasúnta maith bainte amach i scríobh agus i labhairt na Gaeilge agus caighdeán a shásaíonn na critéir atá socraithe ag Stiúrthóir Acadúil an Chúrsa. í mór do gach iarrthóir Triail Socrúcháin Teanga a sheasamh.
Cur síos ar an gclár
- Dioplóma sa Ghaeilge
- Scileanna cruinnscríbhneoireachta na Gaeilge
- An Ríomhaireacht agus an Teicneolaíocht
Deiseanna Fostaíochta
- RTÉ Raidió na Gaeltachta
- TG4
- Údarás na Gaeltachta
- Roinn an Gaeltachta
- Institiúidí oideachais eile
- Comharchumainn
- Coistí pobail
Teastasú
- Dioplóma sa Ghaeilge – OÉ Gaillimh
- Ceadúnas Eorpach Tiomána Ríomhairí (ECDL)
Tuilleadh eolais / Foirmeacha Iarratais
Baba S Uí Loingsigh,
Acadamh na hOllscolaíochta Gaeilge,
An Cheathrú Rua,
Co. na Gaillimhe.
Fón: 00 353 91 595101 / 595038
Facs: 00 353 91 595041
R-phost: baba.uiloingsigh@oegaillimh.ie
Gaeilge
Cuirfear béim ar leith ar chruinnscríobh na Gaeilge agus beidh bunús na gramadaí mar dhlúthchuid den chúrsa seo. Beidh béim chomh maith ar chumas labhartha Gaeilge an mhic léinn. Bronnfar Dioplóma sa Ghaeilge ó Ollscoil na hÉireann, Gaillimh ar chríoch an chúrsa.
Ríomhaireacht
Tabharfar eolas cuimsitheach faoi ghnéithe ar leith den ríomhaireacht ina measc:
- Ceadúnas ECDL: word, excel, access srl.
- An tIdirlíon
- Scileanna Oifige • Scileanna cur i láthair / cinnireachta & Riaracháin
- Bainistiú Comhad
- Litreacha, preasráitis, meamraim 7rl
- Scileanna scríbhneoireachta
Éifeachtacht Phearsanta Réiteofar an mac léinn don saol oibre:
- Cuirfear béim ar iompar agus teacht i láthair gairmiúil
- Tabharfar tuiscint agus léargas don mhac léinn ar bhealaí éifeachtúla le teagmháil a dhéanamh leis an bpobal le grúpaí / coistí nó le daoine aonaracha
- Cuirfear oiliúint ar an mac léinn chun scileanna agallaimh a shealbhú
- Cuirfear oiliúint ar an mac léinn chun cuntas gairmiúil a chur i láthair an fhostóra, CV, litreacha iarratais/molta
Scileanna
Cuirfear deis ar fáil don mhac léinn chun scileanna clóscríbhneoireachta a fhoghlaim agus a threisiú. Cuirfear béim faoi leith ar luas cruinn clóscríbhneoireachta Gaeilge an mhic léinn.
Taithí Oibre
Beidh taithí oibre míosa i gcuideachta ghairmiúil sa Ghaeltacht mar chuid lárnach den chúrsa agus beidh an taithí oibre seo le comhlíonadh ag gach mac léinn. Beidh deis ag an mac léinn na scileanna atá sealbhaithe le linn an chúrsa a chleachtadh agus a thabhairt chun foirfeachta.
