Abair le do chairde!!
Fógraí
Cúrsa ag Comhaltas
 |
Lucht Comhaltais, baill d'Údarás na Gaeltachta agus eagraíochta áitiúla a d'fhreastal ar oscailt oifigiúil ar chúrsa náisiúnta ceannaireachta d’oifigí Chomhaltas Ceoltóirí Éireann. Tá na baill óga a chláraigh don chúrsa ina suí chun tosaigh. |
Pictiúir: Seán Ó Mainnín
“Tá áthas orm a bheith anseo ar an gCeathrú Rua i lár na Gaeltachta leis na daoine óga seo a bheidh ina gceannairí don Chomhaltas sa todhchaí”
Agus é ag caint ag an oscailt oifigiúil ar chúrsa náisiúnta ceannaireachta d’oifigí Chomhaltas Ceoltóirí Éireann sa Cheathrú Rua i nGaeltacht na Gaillimhe, dúirt an tAire Stáit ag an Roinn Ealaíon, Oidhreachta agus Gaeltachta Donnchadh Mac Fhionnlaoich T.D. go raibh cúrsaí oideachais ag croílár an Chomhaltais ón tús agus go raibh tuiscint fadradharcach ag bunaitheoirí an Chomhaltais ar an tábhacht a bhain leis an Aos Óg i láidriú na gluaiseachta agus ar fhorbairt an Chultúir Ghaelaigh.
“Tá áthas orm a bheith anseo ar an gCeathrú Rua i lár na Gaeltachta leis na daoine óga seo a bheidh ina gceannairí don Chomhaltas sa todhchaí” a dúirt an tAire Stáit. Bliain ar leith í an bhliain seo i saol an Chomhaltais mar cuireadh béim speisialta ar an nGaeilge i gcaitheamh na bliana. “D’éirigh libh feasacht a spreagadh agus stádas a thabhairt don teanga agus déanaim comhghairdeas libh anois agus an cúrsa seo a eagrú go hiomlán trí Ghaeilge” a dúirt an tAire Stáit.
Suas le 30 baill óga den Chomhaltas atá cláraithe le freastal ar an gcúrsa seo, iadsan atá mar oifigí agus baill gníomhach sa Chomhaltas ar fud na tire. Is í Máirín De Brún, iníon Shéamuis De Brún a bhí mar Uachtarán ar an gComhaltas atá mar áisitheoir ar an chúrsa. Bhí Máirín ina Stiúrthóir ar Ghaeleagras go dtí le déanaí.
“D’éirigh libh feasacht a spreagadh agus stádas a thabhairt don teanga agus déanaim comhghairdeas libh anois agus an cúrsa seo a eagrú go hiomlán trí Ghaeilge”
“D’éirigh libh feasacht a spreagadh agus stádas a thabhairt don teanga agus déanaim comhghairdeas libh anois agus an cúrsa seo a eagrú go hiomlán trí Ghaeilge”
 |
Cuireann an Comhaltas fáilte Uí Cheallaigh ar an Aire Stáit ag an Roinn Ealaíon, Oidhreachta agus Gaeltachta Donnchadh Mac Fhionnlaoich chuig Óstán na Ceathrún Rua |
 |
Cuireann Máirín de Brún daltaí an chúrsa nua in aithne don Aire |
 |
 |
Cuid de na 30 baill óga den Chomhaltas atá cláraithe le freastal ar an gcúrsa seo: ó chlé: Nollaig Ní Laoire, Rath Cairn, Co na Mí; Enda Ó Saoraí, Co na hIarmhí; Sinéad Ní Éalaí, Caisleán an Bharraig, Caitríona de Brún, Tiobrad Árann agus Dara Ó hÉalaí, Caisleán an Bharraigh. |
Foilsithe: 24 Lúnasa 2012
